1. Әйелдерге арналған №32 түзеу мекемесінде энергия тиімділігін арттыру жөніндегі демонстрациялық жоба (Қарағанды қ.).
Жоба бюджеті: ~ 3 000 000 теңге.
Энергия тиімділігі біздің өмірімізде маңызды рөл атқарады, әсіресе табиғи ресурстардың шектеулігі және экологиялық жағдайдың нашарлауы жағдайында. Энергия тиімділігін арттыру — бұл тұрақты даму жолында маңызды қадам.
Энергия тұтынуды оңтайландыру табиғи ресурстарға деген қажеттілікті азайтуға көмектеседі. Мұнай, газ және көмір сияқты дәстүрлі энергия көздері таусылып барады, ал олардың өндірісі мен қолданылуы қоршаған ортаға зиян келтіреді. Электр энергиясын тұтынуды азайту парникті газдардың шығарындыларын қысқартуға, қазба отынға тәуелділікті азайтуға және қоршаған ортаға әсерді төмендетуге, климаттың өзгеруінің әлем бойынша сезілетін зардаптарын баяулатуға және минимизациялауға мүмкіндік береді.
Осыған орай, жоба командасы энергия тиімділігі бойынша демонстрациялық жобаны әзірлеп, іске асырды.
Әйелдерге арналған түзету мекемесінде энергия тиімділігін арттыру бойынша демонстрациялық жоба энергия ресурстарын тұтынуды азайту және мекемеде тұратындардың жағдайларын жақсарту мақсатында энергия тиімді технологияларды енгізуге бағытталған.
Жоба іс жүзінде маңызды әлеуметтік және білім беру рөлін атқарады, бұл жазасын өтеп жатқан әйелдерді тұрақты даму және ресурстарды жауапты тұтыну процестеріне тартуға және оларды ақпараттандыруға ықпал етеді.
Реновация объектісі: мекеме жанындағы колледж, мұнда әйелдер орта білімін аяқтап, орта арнаулы білім алуға мүмкіндігі бар.
Жоба аясындағы іс-шаралар:
- Энергияны үнемдейтін жарықтандыруды орнату: 29 жарықдиодты панель орнатылды (жұмыс кезінде мекемеге ауыстыруға тағы 6 шам берілді).
- Күн батареяларын орнату: колония колледжінің ғимаратында қуаты 2 кВт/сағ болатын күн станциясы орнатылды, бұл ғимаратты толықтай жарықтандыру үшін қажетті энергиямен қамтамасыз етеді.
Жобаны іске асыру нәтижесінде мекеменің электр энергиясына жұмсалатын шығындары азайып, мекемеде тұратындардың жағдайы мен өмір сапасы жақсарды.
- ЭкоМұражайдың көрме залындағы екі жоба:
- Күннен қорғау экрандары. Жоба бюджеті: 2 000 000 теңге.
- Энергия үнемдеу. Жоба бюджеті: 3 000 000 теңге.
Sun shields (күннен қорғайтын экрандар) — бұл бөлме температурасын төмендетуге көмектесетін тікелей күн сәулесін бөгейтін арнайы құрылғылар немесе жабындар. Олар терезелерге немесе ғимараттың фасадтарына орнатылады және күн энергиясын тиімді түрде шағылдырып, оның ішке өтуіне жол бермейді. Мұның нәтижесінде бөлме аз қызады, бұл ауа баптау жүйесіне қажеттілікті азайтады және электр энергиясын үнемдейді. Сонымен қатар, күннен қорғау экрандары жиһазды, едендерді және басқа ішкі беттерді ультрафиолет сәулелерінің ұзақ әсерінен туындаған түссіздену мен зақымданудан қорғауға көмектеседі.
ЭкоМұражайдағы Sun shields жүйесі залды күн сәулесінен қорғаудың бірнеше нұсқасын пайдалануға мүмкіндік берді: жалюзи, перделер және жарық шағылыстыратын пленка. Екі терезенің орташа және төменгі бөліктерінде фанерадан жасалған арнайы ұстағыштар орнатылды, олардың ішіне металл планкалар, жалюзи үшін ламельдер ретінде қызмет ететін құрауыштар кіргізілген. Олар бір-бірінен әртүрлі қашықтықта араласып орналасқан. Қалған үш терезенің сәйкес деңгейлерінде сыртқы жағына арнайы карниздер орнатылған көшедегі перделер ілінген. Барлық терезелердің жоғарғы бөліктерінде табиғи элементтермен толықтырылған ою-өрнек түрінде пленка жапсырылған.
Перделер мен жалюзи планкалары мобильді болып табылады, бұл ауа райы жағдайларына байланысты залдың көлеңкелеуін қолмен реттеуге мүмкіндік береді. Осылайша, орнатылған құрылғылардың арқасында терезелердің шамамен 70% алаңы күн сәулесінен қорғалады.
Сонымен қатар, залда екі «VOLCANO» ауыспалы-қыздыру агрегаты орнатылған. Агрегаттың конструкциясы ғимаратты қыста жылыту және жазда салқындату функцияларымен реверсивті жұмыс істеуге мүмкіндік береді. Желдеткіштің жұмыс дөңгелегінің оңтайлы пішіні мен қуатты ЕС электродвигателін қолдану электр энергиясын дәстүрлі шешімдермен салыстырғанда 40%-ға дейін үнемдеуге мүмкіндік береді.
Жылы мезгілде бөлмені кондиционерлеу шығындары айына ~ 260 кВт/ай құрайды. Біздің екі сплит-жүйеміздің бір сағаттық жұмысында (әрқайсысы 3,2 кВт салқындату өнімділігімен) 2 кВт/сағ энергия жұмсалады. Жылы уақытта айына шамамен 120 сағат жұмыс істегенде 240 кВт/ай шығындалады. Ал Sun shields жобасының арқасында мұражай залында орташа температураны бірнеше градусқа төмендетуге мүмкіндік береді, яғни сплит-жүйелерін сирек қолдануға болады, бұл жаз айларындағы энергия шығындарын 160-170 кВт/ай дейін азайтуға септігін тигізеді. Егер энергия көмірмен жұмыс істейтін электростанциядан қамтамасыз етілсе, 1 кВт/сағ энергия шығыны 0,9 кг CO2 шығарындысына сәйкес келеді. Демек, 216 кг CO2 орнына шығарынды 144 кг CO2 құрайды. Бұл 72 кг CO2 шамамен 40 м³ CO2 көлемін білдіреді —үш ересек ағаштың бір жылда сіңіретін CO2 көлеміне тең.
- Қарағанды облысының мектептерінде және ЭкоМұражайда велосипед тұрақтары
Жоба бюджеті: 2 000 000 теңге
Ауаның ластануы — біздің заманымыздағы ең басты экологиялық проблема, ол адамдардың денсаулығына зиян келтіріп, климаттың өзгеруіне әкеліп соғады. Ластанған ауа демікпе, жүрек аурулары және өкпе ісігі сияқты аурулардың даму қаупін арттырады.
Қазгидромет мәліметтері бойынша соңғы 5 жылда Қарағанды және Теміртау қалалары ауа ластануының жоғары деңгейімен танымал бес қаланың қатарына кіреді (Алматы, Астана және Жезқазған сияқты қалалармен бірге). Ауаның ластануының басты себептерінің бірі — өнеркәсіптік кәсіпорындардың шығарындылары. Аз болғанымен, бірақ әлі де қауіпті әсер қалдыратын фактор — көлік құралдарының түтін газдарының шығарындысы. Осы қалалардағы велоинфрақұрылымды дамыту — ауаның сапасын жақсартуға бағытталған қадамдардың бірі.
Жоба аясында Қарағанды облысындағы төрт мектептің аумағында арнайы велосипед тұрақтары орнатылды:
- «№17 мектеп-гимназия» КММ, Сарань қаласы,
- «№16 жалпы білім беретін мектеп» КММ, Теміртау қаласы,
- «№5 қосымша білім беру орталығы» КММ, Қарағанды қаласы,
- «№7 жалпы білім беретін мектеп» КММ, Шахтинск қаласы.
Айта кету керек, велосипедпен мектептерге тек оқушылар ғана емес, кейбір мұғалімдер де келеді. Егер бұрын балалар велосипедтің қауіпсіздігіне алаңдамау үшін оны байлайтын орын іздеуге мәжбүр болса, енді олар велосипедтерін арнайы белгіленген жерге қауіпсіз қоя алады.
Велосипедпен мектепке бару — бұл тек ыңғайлы көлік түрі ғана емес, сонымен қатар балалардың физикалық және әлеуметтік дамуының маңызды аспектісі. Біріншіден, ол белсенді өмір салтын сақтауға көмектеседі, жүрек-қан тамырлары жүйесін нығайтып, бұлшықет күшін дамытады. Регулярлы физикалық жаттығулар балаларға энергиялы болуға және оқуға көңіл бөлуге көмектеседі. Екіншіден, велосипедпен жүру балаларға жолда қауіпсіз мінез-құлық дағдыларын дамытуға ықпал етеді, бұл қазіргі заманғы қалаларда өте маңызды. Олар қоршаған ортаға бағдарлануды, шешімдер қабылдауды және жол қозғалысы ережелерін сақтауды үйренеді. Нәтижесінде, велосипедпен мектепке жиі бару балаларды белсенді, тәуелсіз және өзіне сенімді етеді, бұл олардың болашақтағы денсаулығы мен жетістіктері үшін негіз болады.
ЭкоМұражайдың маңында тағы бір велопарковка орнатылды. Енді ЭкоМұражай қызметкерлері өз велосипедтерін ыңғайлы және қауіпсіз түрде тұрақтауға мүмкіндігі бар.
- Даму ерекшеліктері бар балаларға арналған №6 интернат мектебінде энергия тиімділігін арттыру бойынша демонстрациялық жоба (Қарағанды қ.)
Жоба бюджеті: 2 000 000 теңге.
Мұнда кабинеттерді жарықтандыру үшін 178 жарықдиодты энергия тиімді жарықтандыру құралы және мектеп тақталары үшін 46 жарықтандыру құралы орнатылған, олар тек электр энергиясын тұтынуды азайтып қана қоймай, оқу процесі үшін қолайлы және қауіпсіз жағдайлар жасайды.
Бұл шамдар ұзаққа қызмет етеді және аз күтімді қажет етеді, мектепке үнемделген қаражатты ерекше балалар үшін білім беру бағдарламаларын дамытуға бағыттауға мүмкіндік береді.
